3lach el wa7ed i9asi mel ENIG ???

el wa7ed kif yenja7 fil concoure w ya3tiwah l'ENIG yekrah rou7ou w yetmanna lawkan i3awed el 3am w ya9ra 3ala rou7ou bach iji fi école 5ir mel ENIG, yemchi el gabes w hewa ma3inouch fiha, yes2al 3ala a7san che3ba wi9ouloulou Génie Civil ( GCV ), melli yebda ya9ra w hewa yesma3 illi ya9raw fil ENIG 5ir milli ya9raw fil ENIT, kima 9elt 9bal, Iwalli isadda9 bach isabbar rou7ou ama wa9t ikammal la9raya w yed5el bel7a9 fil 5edma yel9a annou galtet 3emrou annou 9ra fi gabes.

7abbit en9oulelkem 3ala 7aja saritli bel7a9 elyouma, 3andi weld jiranna 9ra fil ENIT GCV, win maye3redhni ya93ad yes2al fya 3al mramma wel 9raya 3ala5atrou mahou fahem chay, kent en7eb infahmou bach net2akked illi l'ENIG 5ir mel ENIT, w tawa kammalna fard 3am, hewa melli kammal la9raya wel charikat etkallam fih ( alou, a7na el charika el foulanya 5dhina noumrouk mel ENIT w madhabina te5dem m3ana wa9tach tnejjem etji) el moufid ma93adch jem3a 7atta lin dabbar 5edma b malyoun fi tounes, w lil youma mazalet l charikat etkallam fih, 3ada ana 7abbit en5addem me55i wenna77i el na7s illi itabba3 fya mel ENIG, 9eltlou madamek te5dem kif tkalmek charika w 7achetha b ingénieur fisa3 hawka 9elli wana taw natsarraf, w mel sedaf annou kalmettou charika fi Sfax w ba7dha win nesseknou ya5i mchalha hewa 9al chnou i7eb ye9reb mel dar ( a9al masrouf) w kif matfahmouch 3al flous walla 9alli 3liha w 9alli rahem magsourin w taw fisa3 te5dem 3ala 5ater 9a3dou i9ar9ou bih barcha (w 7alloulou fil janna dhra3), 9emt ilyouma bekri wemchit bach inchouf la7kaya, kif w salt w 9eltelhem sma3t bikem 7achetkem b ingénieur 9alouli hat el CV, dh7akt w 9elt barra hawki el denya dha7ketli w bach ne5dem, 9raw el CV w sa2louni: inti win 9rit, ana mel far7a nsit rou7i w jawebt fisa3 w 9elt l'ENIG, ya5i 9alouli: 3andek expérience, 9eltelhem la, ya5i 9alouli illi hema 7achethem bwa7ed 3andou expérience w hawka el CV wsal w rabbi isahhal. rawa7t el weld 7oumti wa3meltlou 3ar3our 3ala 5ater ma9allich 3ala 7kayet el expérience, a7na hakka wkalmou sa7bou mel ENIT (t5arraj 7atta hewa jdid) 9allou rahou thamma charika kalmettou fi sfax w madhabih i9ellou kifach yemchilha 3ala 5aterha ba7dhah w hewa maya3rafch sfax, tetla3 elcharika hadhi hya bidha illi ana mchitelha fil sba7, zayed 7atta kif 7abbit en5addam me55i wentabba3 jma3et l'ENIT 9a3det mechkelt el na7s mta3 l'ENIG ettabba3 fya.....