ahouwa 3lech te7t control

ana kima kol wa7ed 9ra technique fil bac, mana9ra kan lilet el devoir w mannajam in7adhar kan fil lil emma5ar ba3ad ma net3acha bel tbi3a, 3ala 5ater kif tebda kerchi malyana wa9tha innejem in5ammam ama kif nebda ji3an ma3adech inchouf chay 9eddami. el moufid kima ta3rfou 3and les étudiants el kol maya7dhar la3cha kan m3a el 9 fil lil w maklina w kammalna kan jat el 10 w mabdina en7adhrou kan jat el 11 w mal wa7ed i7adhar awra9ou kan jat 11,5 , haka el wa9t nebda ana w binomi in7adhrou el matiere mta3 gedwa wel aktharya tel9ana mana fahmin minha chay w mana 7adhrin fiha kan zouz walla 3 7isas, ti el moufid wa9tha nektachfou fiha .


el wa7ed i9oul yarab la3mal 3lik wel bab ide9, in7ellou w kil 3ada nel9aw jarna el 3aziz (H.H) wa9ef fil bab w fi yeddou kamcha awra9 w hewa metgachech 9al chnou el révision mahich machya (3ala fikra elli hewa bac math ma3natha nhar kamel w hewa i7adhar) welli hewa mafhem chay mel matier hathi wa wa wa.... ti el moufid bel 3arbi itay7elna el ma fil rkayeb.


wa9tha negzor el binomi w yegzorli hewa zada wen9oumou mel tawla wa7na in9oulou fi nafs el wa9t : lawkan hewa nhar kamel ya9ra w mafhem chay, machi neffahmou a7na fil lil.
w kil 3ada in7ellou l'ordinateur wen7ettou filem w ner9dou w men gedwika hawka rabbi isahhalha. wa93adna 3ala hal 7al peryod el devoirat el kol w fil e5er inti7 ana w binomi control, ama jari el 3aziz yenja7 principal wel awal fil GCV3 el kol, sa7a lilou mcha w5allana fi gabes....